ვებინარი / რობერტ კაპა: ქართული ჟურნალი. 1947

თავისი კურატორული და საგანმანათლებლო პრაქტიკით, ნესტან ნიჟარაძემ ხელი შეუწყო საქართველოში ფოტოგრაფიის მედიუმის განვითარებასა და პოპულარიზაციას, ისევე როგორც ქართული და სამხრეთ კავკასიური ფოტოგრაფიის მდიდარი ტრადიციების რეგიონს გარეთ პოპულარიზაციას.

ვებინარების სერია მიზნად ისახავს ადგილობრივი და საერთაშორისო აუდიტორისთვის საქართველოს და სამხრეთ კავკასიის ქვეყნების მდიდარი, თუმცა ჯერ კიდევ უცნობი ფოტოგრაფიული მემკვიდრეობის წარდგენას.

“რობერტ კაპა: ქართული ჟურნალი. 1947” ვებინარის ფარგლებში განხილული იქნება რობერტ კაპას და ჯონ სტეინბეკის საქართველოში მოგზაურობის რამოდენიმე საინტერესო ისტორიული ფაქტი.

1947 წელს რობერტ კაპამ და ამერიკელმა მწერალმა ჯონ სტეინბეკმა ყოფილი საბჭოთა კავშირის 3 ქვეყანაში: რუსეთში, უკრაინასა და საქართველოში იმოგზაურეს. ამ მოგზაურობის შედეგად შეიქმნა სტეინბეკის წიგნი “რუსული დღიური” რომელიც რობერტ კაპას ფოტოებით იყო ილუსტრირებული. 

“რუსული დღიური” 1948 წელს აშშ-ში გამოიცა, სადაც ის პროსაბჭოურად შერაცხეს, საბჭოთა კავშირში კი პირიქით - ანტისაბჭოურად. Წიგნის  თარგმნა და გამოცემა 40 წლის მანძილზე იყო აკრძალული.