არქივი
თბილისის ფოტოგრაფიის და მულტიმედიის მუზეუმი პირველი კულტურული ინსტიტუციაა საქართველოში, რომელიც 2018 წლიდან სამხრეთ კავკასიური ფოტოგრაფიული მემკვიდრეობის კვლევას აწარმოებს. კვლევის ფარგლებში აზერბაიჯანის, საქართველოსა და სომხეთის ფოტოგრაფიული მემკვიდრეობის შესწავლა 3 პერიოდს მოიცავს: მე-19 საუკუნე, საბჭოთა ოკუპაციის 70 წლიანი მონაკვეთი და თანამედროვე პერიოდი.
ბოლო 3 წლის მანძილზე მიმდინარე კვლევა სამხრეთ კავკასიური ფოტოგრაფიული მემკვიდრების ნიმუშების იდენტიფიკაციას, შესწავლას, დაარქივებას და პოპუალრიზაციას ითვალისწინებს.
მიმდიანრე კვლევის ფარგლებში თბილისის ფოტოგრაფიის და მულტიმედიის მუზეუმის ინიციატივით შეიქმნა პირველი ციფრული არქივი, რომელიც ეტაპობრივად სამივე პერიოდის ნამუშევრებს გააერთიანებს ვირტუალურ სივრცეში და ონლაინ მომხმარებლისთვის მანამდე არარსებულ ხელმისაწვდომობას გახდის შესაძლებელს.
2022 წელს მუზეუმი სამხრეთ კავკასიური ფოტოგრაფიის ოქროს პერიოდის - მე-19 საუკუნის მეორე ნახევრის ფოტოგრაფიასაც უმასპინძლებს.
