შევხვდეთ პანკისში

ჩვენი პროექტის მიზანია ქართველ ბავშვებს რეალური პანკისური ცხოვრება გავაცნოთ და არა გამოგონილი. გვინდა, რომ ვაჩვენოთ, როგორ ცხოვრობენ პანკისელები, გავაცნოთ ჩვენი ტრადიციები, კულტურა და ისლამური რელიგია. 

ხშირად დავდივართ KRDF-ის მიერ ორგანიზებულ ბანაკებში, რომლებიც ახმეტის მუნიციპალიტეტის სოფელ საბუეში იმართება. იქ ქართველ ბავშვებთან ვმეგობრობთ და ერთად ვატარებთ დროს.

გვინდა, რომ პროექტის ფარგლებში ჩვენს მეგობრებს უკეთ გავაცნოთ ქისტები და მათი ცხოვრების წესი, კულტურა, წეს-ჩვეულებები და პანკისის ისტორია, რითაც ცრუ წარმოდგენები გაიფანტება. პროექტი ხელს შეუწყობს განსხვავებული რელიგიის მქონე ბავშვების დაახლოებას და კიდევ უფრო დამეგობრებას. 

ნამუშევრები შექმნილია პროექტის“Creative arts for shifting power for equality in marginalized communities of Georgia” ფარგლებში. პროექტი დაფინანსებულია შვედეთის ინსტიტუტის მიერ და მას თბილისის ფოტო ფესტივალი Save the Children International-თან პარტნიორობით ახორციელებს.

შვედეთის ინსტიტუტს პროექტის დიზაინის შექმნაში მონაწილეობა არ მიუღია.