სარეკრეაციო სივრცე ჩვენი სოფლისთვის

ჩემი სოფელი, დუმასტური, პანკისის ხეობაში, ალაზნის მარცხენა მხარეს მდებარეობს. სოფელი, ფაქტობრივად, მხოლოდ ერთი გრძელი, ცენტრალური გზაა, სადაც სახლები გზის პირას, აქეთ-იქითაა ჩამწკრივებული. სოფლის მაცხოვრებლებისთვის და განსაკუთრებით ბავშვებისთვის არ არის იზოლირებული, უსაფრთხო სივრცე, სადაც შეიძლებოდა დასვენება და ბავშვებისთვის გართობა. ჩემი პროექტის მიზანია ფოტო მასალის შექმნით დავანახო თემს და ადგილობრივ მოსახლეობას სარეკრეაციო ზონის მოწყობის აუცილებლობა. 

სოფლის განაპირად, ტყესთან ახლოს მდებარე ტერიტორიაზე არსებობს სივრცე, რომელიც შეიძლება გადაიქცეს რეკრეაციულ ზონად, იყოს უსაფრთხო ადგილი ბავშვებისათვის და სამომავლოდ თემისთვის უფრო მრავალფეროვანი დატვირთვაც შეიძინოს.

ნამუშევრები შექმნილია პროექტის“Creative arts for shifting power for equality in marginalized communities of Georgia” ფარგლებში. პროექტი დაფინანსებულია შვედეთის ინსტიტუტის მიერ და მას თბილისის ფოტო ფესტივალი Save the Children International-თან პარტნიორობით ახორციელებს.

შვედეთის ინსტიტუტს პროექტის დიზაინის შექმნაში მონაწილეობა არ მიუღია.