ქისტურ-ქართული განმარტებანი

პანკისისი ხეობაში ადრეც ვყოფილვარ. ეს ჩასვლა უფრო ხანგრძლივი იყო და მეტი დრო მქონდა, რომ გამერკვია მსგავსება და განსხვავება იმ ორ კულტურას შორის, რომელიც იქ თანაარსებობს. ფოტოგრაფიულ ამოცანადაც ეს დავისახე. მსგავსების და განსხვავების დასანახად, ენაზე დაკვირვება კარგი საშუალებაა. იმ ამოსავალი სიტყვების იდენტიფიცირებისთვის, რომლებიც ყველა ადამიანისთვის, ყველა სოფლისთვის, ყველა ხალხისთვის და ალბათ, ზოგადად კაცობრიობისთვის არის მნიშვნელოვანი.
სიტყვა წესი, ქისტურად, არის - იაადათ ანუ ადათი ქართულში. მე ვცადე, რომ ფოტოებზე ეს წესები, ეს წესრიგი ამესახა და მათი სახელებიც შემესწავლა.


გამოცემულია "საქართველოს ღია საზოგადოების ფონდი"-ს ფინანსური მხარდაჭერით, თბილისის ფოტოგრაფიის & მულტიმედიის მუზეუმის პანკისის ხეობაში განხორციელებული სარეზიდენციო პროგრამის ფარგლებში. ავტორის მიერ საინფორმაციო მასალაში გამოქვეყნებული მოსაზრება შესაძლებელია არ გამოხატავდეს ფონდის პოზიციას. შესაბამისად, ფონდი არ არის პასუხისმგებელი მასალის შინაარსზე.