ომი და მშვიდობა

საბჭოთა კავშირის ბოლო წლები და მისი დაშლა, საქართველოს დამოუკიდებლობის პირველი უმძიმესი წლები -  ომებით, ქაოსით და ეკონომიკური კრიზისით, 90-იანი წლების ბოლო და ვარდების რევოლუციის შემდგომი პერიოდი -  გოგი ცაგარელის ობიექტივში საქართველოს უახლესი  ისტორიის უკანასკნელმა 30 წელმა გაიარა. გოგი ცაგარელი ქართული თანამედროვე ფოტოჟურნალისტიკის  ერთ-ერთი დიდი მეტრია. იგი ქვეყნის თანამედროვე ვიზუალურ ქრონიკას ქმნიდა ფოტოჟურნალისტიკის და ჰუმანისტური ფოტოგრაფიის უმაღლეს სტანდარტებთან თანხვედრაში.