ლურჯი სევდა

„ლურჯი სევდა“ დისტოპიურ მომავალზეა, სადაც ადამიანები იზოლაციაში ცხოვრობენ და ნებისმიერი სახის სოციალური ინტერაქცია მკაცრად აკრძალულია.  პროექტის იდეა კორონა ვირუსთან დაკავშირებულმა მიმდინარე პანდემიამ შთამაგონა. სახელმწიფოები ვირუსის მასობრივი გავრცელების თავიდან ასაცილებლად ყველას იზოლაციისკენ მოუწოდებენ. რადგან ადამიანები სოციალური არსებები ვართ, იზოლაციამ შესაძლოა გავლენა მოახდინოს როგორც ჩვენს მენტალურ, ასევე ფიზიკურ ჯანმრთელობაზეც. ფოტო ნეგატივებს ვიყენებ, როგორც მეტაფორას, გამოვხატო ჩემი ნეგატიური შეგრძნებები იმ შესაძლო მომავლის მიმართ, სადაც სოციალური რეალობა სრულიად ამოტრიალებულია. საზოგადოების ზეწოლა ადამიანზე, მონაწილეობა მიეღო სოციალურ აქტივობებში, ჩანაცვლებულია საკუთარი თავის სრული იზოლაციის მოთხოვნით. ზუსტად ასევე აისახება ღია და მუქი გამოსახულებები ფოტო ნეგატივზე, უკუღმა.

პროექტი ონლიან მედია პლატფორმაზე "ჩაი ხანა" იყო გამოქვეყნებული.