ჩემოდანი მამას ნეგატივებით

ბორის შავერდიანის ხელოვნება –სამყაროდან გაქცევის, თავის დაღწევის მცდელობაა. 1970-80-90-იან წლებში, როდესაც შავერდიანი თბილისში ცხოვრობდა, არც ფოტოგრაფი განეკუთვნებოდა ხელოვანთა ელიტურ კასტას და არც ამ საინტერესო „დეზერტირის“არსებობის შესახებ იცოდა ვინმემ, თუმცა მას დღესაც თითქმის არავინ იცნობს. ბორის შავერდიანის ხელოვნება დღეს, უბრალოდ, ისტორიაა, იგი აღარც ფოტოებს იღებს და აღარც თბილისში ცხოვრობს. გასული საუკუნის 90-იანი წლებიდან მოყოლებული, მას შემდეგ, რაც ბორის შავერდიანი საქართველოდან წავიდა მისი ფოტოარქივი ფოტოგრაფ გურამ წიბახაშვილთან ინახება.