წიგნის „ვოლოდიმირ ზელენსკი - გმირის ტყავში“ პრეზენტაცია

წიგნი უკრაინაში 2022 წლის 24 თებერვალს დაწყებული ომის მიმდინარეობისას დაიწერა. მასში ასევე გამოყენებულია ადრინდელი, რამდენიმე წლის მანძილზე მომზადებული რეპორტაჟები, უკრაინისა და ყოფილი საბჭოთა კავშირის ქვეყნების პოლიტიკური ანალიზი; ასევე სხვადასხვა მეცნიერის, ჟურნალისტისა და სპეციალისტის ნამუშევარი თუ კვლევა უკრაინასთან დაკავშირებულ საკითხებზე.

“ვოლოდიმირ ზელენსკი - გმირის ტყავში“ მკითხველს უკრაინის პრეზიდენტის უკეთ გაცნობის შესაძლებლობას მისცემს; წიგნის მეშვეობით მკითხველი ასევე მის ოჯახს, სამეგობრო წრეს და თანამოაზრეებსაც გაიცნობს; გაიგებს მეტს მის ბავშვობის, სამსახიობო კარიერაში თუ პოლიტიკაში გადადგმული პირველი ნაბიჯების შესახებ.

და მაინც, ვინ არის კაცი, რომელზეც ამჟამად, ნაწილობრივ, ევროპის ბედია დამოკიდებული? ამ შეკითხვაზე პასუხს მკითხველი წიგნში "ვოლოდიმირ ზელენსკი - გმირის ტყავში" ამოიკითხავს. წიგნის ავტორები შესაძლებლობას გვაძლევენ აღმოვაჩინოთ და ახლო მანძილიდან დავინახოთ ეს უჩვეულო ადამიანი, რომელმაც ორჯერ მოირგო უკრაინის პრეზიდენტის როლი ...
წიგნი ფრანგულ ენაზე 2022 წლის მაისში გამოიცა; მისი ავტორები არიან ფრანგი ჟურნალისტები რეჟის ჟანტე - პოსტსაბჭოთა სივრცის სპეციალისტი და სტეფან სიოანი - რუსულ-უკრაინული ომის რეპორტიორი.

სიმბოლურია, რომ წიგნის წარდგენა ფოტოგრაფიისა და მულტიმედიის მუზეუმში გაიმართება, რომლის ფოკუსშიც ამჟამად უკრაინაა ორი მნიშვნელოვანი გამოფენით. მათ შორის: პოლონელი ფოტოგრაფის იუსტინა მიელნიკიევიჩის "ნაპირებს შორის მიედინება უკრაინა" და უკრაინელი ხელოვანების - ანდრი და ლია დოსტლიევების "ნაომარი ჭრილობების დაამება".

ღონისძიების ფარგლებში, ასევე, წარმოდგენილი იქნება ფრანგი ფოტოგრაფების, რაფაელ იაგობზადესა და ადრიან ვოტიერის უკრაინაში 2022 წელს გადაღებული ფოტოები.