სამხრეთ კავკასიის ფოტოგრაფიის მოძრავი მუზეუმი ზემო ნიქოზში, გორის რაიონი

კვირას, 2 სექტემბერს, ფოტოგრაფიის მოძრავი მუზეუმი მეორე ღონისძიებას გამართავს სოფელ ნიქოზში, რომელიც ცხინვალიდან 500 მეტრში მდებარეობს. 
ღონისძიების ფარგლებში ნიქოზის ეპისკოპოსის სასახლეში გაიმართება ქართველი ფოტოგრაფის თაკო რობაქიძის ფილმისა  და მრავალწლიანი პერსონალური ფოტო პროექტის „მცოცავი საზღვრები“  ჩვენება და საჯარო ლექცია.

სამხრეთკავკასიის მოძრავი მუზეუმის რიგით მეორე ღონისძიებას მასპინძლობს ნიქოზის ანიმაციური ფილმების საერთაშორისო მერვე ფესტივალი, რომელსაც უაღრესად დიდი სოციალურ-პოლიტიკური და კულტურული მნიშვნელობა აქვს.

ფოტოგრაფიის მოძრავი მუზეუმის ღონისძიება ზემო ნიქოზში თბილისის ფოტოგრაფიის & მულტიმედიის მუზეუმის ორგანიზებულია და პროექტის “სამხრეთ კავკასიური ფოტოგრაფიის ჰაბი განათლებისა და ინოვაციისთვის “ ერთ-ერთი წამყვანი პროგრამაა. პროექტი სამხრეთ კავკასიაში შვეიცარიის განვითარებისა და თანამშრომლობის სააგენტოს  მიერ არის დაფინანსებული. 

2 სექტემბრის ღონისძიება ნიქოზში, ფოტოგრაფიისმოძრავი მუზეუმის რიგით მეორე ღონისძიებაა.

ღონისძიებაზე დასწრება თავისუფალია და ღიაა ადგილობრივი  და საერთაშორისო პუბლიკისთვის.  

დასაწყისი 14.00-ზე.

ნიქოზის ეპისკოპოსის სასახლე.