ილკინ ჰუსეინოვი
ბოდიშს ვიხდით დროებითი შეფერხებისთვის
ბაქო კავკასიაში ყველაზე დიდი ქალაქია. ქალაქის ისტორია მჭიდროდაა დაკავშირებული ნავთობის ინდუსტრიასთან; ნავთობის რამდენიმე ბუმის შედეგად ქალაქი სწრაფად გაიზარდა და სამშენებლო ინდუსტრია აყვავდა. ქალაქის მერიის სურვილი, საკუთარ ესთეტიური შეხედულებებით პოსტ-საბჭოთა ქალაქის რეკონსტრუქცია მრავალი ‘ვადაგასული’ შენობის დანგრევით და კულტურული მემკვიდრეობისა და საგვარეულო სახლების შენარჩუნების მსურველთა საზიანოდ დასრულდა.
მოკლე პერიოდში ბაქოს ცენტრი დიდ სამშენებლო მოედანს დაემსგავსა, რომელიც დროებით ბაქოს ღირსშესანიშნაობებითა და უტოპიური ლანდშაფტებით გალამაზებული ბანერებით იყო შემოღობილი. დაბალი ხარისხის ფოტოების ბანერები იმდენად ფართოდ გავრცელდა, რომ მან დაიწყო ქალაქის რეალური გამოსახულების ჩანაცვლება. პროექტი წარმოადგენს პოზიციას ურბანული პოლიტიკის შესახებ და უსადაგებს მას სილამაზის ანთროპოლოგიურ ასპექტებს. ბანერები ბაქოს სრულყოფილი მომავალის გამოსახულებით ქალაქის განუყოფელი ნაწილი გახდა. ცნობისმოყვარე მაყურებელმა მხოლოდ უნდა გამოიცნოს რა იმალება ამ დაძალებული სილამაზის უკან, რომელიც დროებით შეფერხებას იწვევს. და როგორც ცნობილია, არაფერია იმაზე მუდმივი, ვიდრე დროებითობა.
