Please rotate your phone
დინა ოგანოვა

დინა ოგანოვა

© დინა ოგანოვა. #მეც. 2016 - 2019

#მეც (2016 - 2019)

საქართველოს სტატისტიკის ეროვნული სამსახურისა და გაეროს ქალთა ორგანიზაციის ბოლო კვლევის მიხედვით, საქართველოში ყოველ მეხუთე ქალს სექსუალური შევიწროება ცხოვრებაში ერთხელ მაინც გამოუცდია. დაზარალებულებს შორის 70% სექსუალური შევიწროების მსხვერპლი გახდა საჯარო სივრცეში, ხოლო 10% -სამუშაო ადგილზე.

სექსუალური შევიწროების შესახებ საზოგადოების ცნობიერება საკმაოდ დაბალია. ჩვენ ბოლომდე ვერ ვაცნობიერებთ, რა და როგორ ხდება. ჩვენივე ფიქრებისაც გვერიდება, მაშინ, როდესაც დაზარალებულები ვართ. ალბათ სწორედ ამის გამო, ბოლომდე ვერ ვხვდებით, რამხელა პრობლემის და საფრთხის წინაშე ვდგავართ.


ამ სტატისტიკას რომ ვუყურებ, მეშინია.


მეშინია ყველა იმ პატარა გოგოს თუ ბიჭის გამო, რომლის უფლებებიც არ არის დაცული, ყველა იმ მოზარდი გოგოს გამო, რომელსაც რცხვენია და ერიდება სექსუალურ შევიწროებაზე საუბრის, იმ ყველა ქალის გამო, რომლისთვისაც ამ თემას ტაბუ ადევს და რომელიც ყველაფრის დავიწყებას ცდილობს. და ყველაზე მეტად მეშინია იმ ქალების გამო, რომლებიც არაფერს იმჩნევენ, რადგან მიაჩნიათ, რომ საგანგაშო არაფერია, თუმცა მთელი ცხოვრების განმავლობაში დაყვებათ დაუცველობის განცდა, როდესაც საკუთარ თავთან მარტოები რჩებიან.

რთულია იყო ქალი საქართველოში.


ალბათ სხვა ქვეყნებშიც, მაგრამ მე საქართველოს ვიცნობ და მხოლოდ იმას ვხედავ, აქაურ ქალებს მასიურად როგორ შეუძლიათ დუმილი, რომელიც ყველაზე დიდი დანაშაულია,ჩემი აზრით. ჩვენ ახლა უნდა დავიწყოთ ერთმანეთის მოსმენა და ხმის ამოღება თემაზე, რომელზეც ხმამაღლა ლაპარაკი „არ ტეხავს“.

 

თბილისის ფოტოგრაფიისა და მულტიმედიის მუზეუმი

სასტუმრო „სტამბა„
მ. კოსტავას ქ. 14 თბილისი, 0108 საქართველო
ოფისი: +995 599 311 768
info@tpmm.ge

ვიზიტორებისთვის

ორშაბათი-პარასკევი 12.00-19.00 ხუთშაბათი 12.00-21.00

წესები და პირობები

კონფიდენციალურობის პოლიტიკა

დარჩით კავშირზე