ნატა სოფრომაძე

Vanitas (2016 - 2019)

ჩემს ფოტოებში, რომელსაც უკვე წლებია ვიღებ, აღმოვაჩინე, რომ ერთი და იგივე გამოსახულება მეორდება: ყვავილები საფლავებზე, ნაცრისფერი თმა, სისხლის გუბეები მთის დღესასწაულებზე, დამჭკნარი მცენარეები, სასაფლაოები, მკვდარი, გზაზე დატოვებული ცხოველები… ამ გამოსახულებებს შორის ვხედავ კავშირს. არც ერთში არ არის ადამიანი. თითოეული ფოტო ნატიურმორტია, სიცოცხლის წარმავალობისა და სიკვდილის გარდაუვალობის სიმბოლო. ეს ჩემი მეთოდია რომ ვებრძოლო სიკვდილის შიშს, ფოტოგრაფიის მეშვეობით მისი უკეთ შეცნობა.

ფოტოებზე აღბეჭდილი რეალობა, თავისი ტრაგიკული მნიშვნელობების მიუხედავად, ხშირად სილამაზეზე დაკვირდებაა. ცხოვრების ეფემერულობის მტკიცებულებების შეგროვების მთელი პროცესი ჩემთვის ერთ დიდ საიდუმლოებად იქცა. ეს ძალდაუტანებელი მისტიკა ყველაზე მეტად მიზიდავს ამ ძალიან უჩვეულო კოლექციაში.

უკან